ڪراچي: پاڪستان جي آزاديءَ جا 75 سال مڪمل ٿيڻ تي ملڪ ۾ تيار ٿيندڙ پهرين اليڪٽرڪ ڪار متعارف ڪرائي وئي آهي
ڊائس فائونڊيشن ۽ پاڪستاني يونيورسٽين ۽ خانگي شعبي جي سهڪار سان تيار ڪيل ميڊ ان پاڪستان اليڪٽرڪ ڪار جي لانچ جي تقريب مقامي هوٽل ۾ منعقد ڪئي وئي
ڊائس فائونڊيشن
جي چيئرمين ڊاڪٽر خورشيد قريشي ميڊ ان پاڪستان اليڪٽرڪ ڪار جي پيداوار کي پاڪستان
جي معاشي استحڪام لاءِ سنگ ميل قرار ڏنو. اليڪٽرڪ ڪار، جنهن جو نالو NUR-E 75 آهي، 2024 جي آخر تائين وڪرو ٿيندي
اين اي ڊي يونيورسٽي ۾ ڪار جو بيٽري پيڊ تيار ڪيو ويو آهي، جديد فيچرز سان گڏ اليڪٽرڪ ڪار پڻ ايڪسپورٽ ڪئي ويندي. اليڪٽرڪ ڪار 220 وولٽ جي بجلي جي ڪنيڪشن سان 8 ڪلاڪن ۾ چارج ڪري 120 ڪلوميٽر في ڪلاڪ جي رفتار سان 210 ڪلوميٽر جو فاصلو طئي ڪري سگهندي
ڊاڪٽر خورشيد
قريشي چيو ته هن وقت عالمي آٽو انڊسٽري ۾ اليڪٽرڪ گاڏين جو انقلاب اچي رهيو آهي ۽
پاڪستان به ان انقلاب طرف پهريون قدم رکيو آهي، ايندڙ پنجن سالن ۾ هي منصوبو پاڪستان
جا سمورا معاشي چئلينج ختم ڪري ڇڏيندو
هن چيو ته ڪار جي ڪمرشل پيماني تي پيداوار لاءِ فنڊنگ جي سيريز A، B ۽ C راؤنڊز ذريعي سرمائي کي وڌايو ويندو، ڪار کي JAXERI جي برانڊ نالي سان لانچ ڪيو ويندو، ايندڙ مرحلي ۾ ان کي سيڊان جي شڪل ڏني ويندي. ۽ اليڪٽرڪ SUVs پڻ پيدا ڪيا ويندا
سر سيد يونيورسٽي آف انجنيئرنگ ۾ گاڏين لاءِ چارجر تيار ڪيو پيو وڃي، تيز رفتار چارجر پڻ تيار ڪيا پيا وڃن جنهن سان چارج ٿيڻ جو وقت گهٽ ٿيندو
پاڪستاني اليڪٽرڪ
ڪار
NUR-E 75 جا سمورا نظام پاڪستان ۾ تيار ڪيا ويا آهن. ڪار
کي نيشنل ڪاليج آف آرٽس پاران ڊزائين ڪيو ويو آهي. ڪار جي لانچنگ تقريب ۾
انجنيئرنگ، آٽو سيڪٽر ۽ ڪاروباري برادري جي ناليوارن شخصيتن شرڪت ڪئي ۽ ميڊ ان پاڪستان
ڪار متعارف ڪرائڻ تي ڊائس جي سموري ٽيم ۽ ڊاڪٽر خورشيد قريشي جي ڪوششن کي خراج
تحسين پيش ڪيو
ڊاڪٽر خورشيد
قريشي چيو ته ڪار جي وڏي پئماني تي پيداوار سان ٻارڻ جي درآمد، ماحولياتي تحفظ تي
خرچ ٿيندڙ پرڏيهي مٽاسٽا جي بچت ٿيندي، پاڪستان اليڪٽرڪ ڪارن جي ٽيڪنالاجيءَ ۾
ترقي يافته ملڪن جي برابر ٿي ويندو. پاڪستان جي معاشي استحڪام جو مقصد آسان ٿي
ويندو
