اڳوڻي وزيراعظم ۽ پاڪستان تحريڪ انصاف جي چيئرمين عمران خان چيو آهي ته اڄ لاهور ۾ سنڌ هائوس هارس ٽريڊنگ جو ورجاءُ ٿي رهيو آهي، جيڪو اسلام آباد ۾ ٿيو، ايم پي ايز کي خريد ڪرڻ لاءِ 50 ڪروڙ رپين جي آڇ ڪئي وئي
ان جو اصل معمار آصف زرداري آهي جيڪو پنهنجي ڪرپشن لاءِ اين آر او حاصل ڪري عوام کي لٽيل دولت سان خريد ڪري ٿو. هن کي جيل وڃڻ گهرجي
اهو نه رڳو اسان جي جمهوريت تي، پر اسان جي سماج جي اخلاقي ڍانچي تي به حملو آهي
ڇا آمريڪي راڄ جي هٿرادو تبديليءَ جي سازش جي امپورٽ ٿيل حڪومت کي احساس ناهي ته قوم کي ڪيترو نقصان ٿي رهيو آهي؟
پاڪستان مسلم ليگ (ق) جي سربراهه چوڌري شجاعت حسين چيو آهي ته پرويز الاهي پنجاب جي وڏي وزير لاءِ پارٽي جو اميدوار آهي
پنهنجي پاليسي بيان ۾ چوڌري شجاعت حسين چيو ته حڪمراني جو حق پارٽي جو آهي، جنهن کي صوبي جي عوام مينڊيٽ ڏنو آهي
پرويز الاهي مسلم ليگ (ق) جو پنجاب جي وڏي وزير جو اميدوار آهي، هن واضح ڪيو ته ڪنهن کي بدنام ڪرڻ جو معاملو ناهي پر ملڪ جي بقا عوام جي مسئلن تي ڌيان ڏيڻ ۾ آهي
