 |
| صدر پاڪستان عارف علوي |
اسلام آباد (بيورو) صدر عارف علوي چيو آهي ته جمهوري قوتن، ميڊيا ۽ اسٽيبلشمينٽ کي عوام جي امنگن مطابق حڪومت ٺاهڻ لاءِ ڪم ڪرڻ گهرجي
سماجي رابطن واري ويب سائيٽ ٽوئيٽر تي پنهنجي ٽوئيٽ ۾ هن چيو ته پاڪستان هڪ امتحان مان گذري رهيو آهي ۽ جمهوري قوتن، ميڊيا ۽ اسٽيبلشمينٽ سميت سڀني کي هڪ اهڙي حڪومت ٺاهڻ لاءِ ڪم ڪرڻو پوندو جيڪا عوام جي امنگن جي عڪاسي هجي
صدر چيو ته جمهوريت کي ذاتي مفادن جي هٿان يرغمال ٿيڻ نه ڏنو ويندو. الله اسان کي هدايت ڪري. آمين
تقريب کي خطاب ڪندي ڊاڪٽر علوي چيو ته سمورن رياستي ادارن ۽ ميڊيا کي هڪ اهڙي حڪومت جي قيام لاءِ سازگار ماحول پيدا ڪرڻ جي ڪوشش ڪرڻ گهرجي جيڪا پاڪستان جي عوام جي حقيقي نمائنده هجي ۽ انهن جي امنگن ۽ اميدن جي عڪاسي ڪري ته جيئن سياسي ۽ معاشي استحڪام کي يقيني بڻائي سگهجي. ملڪ ۾ ڪاروبار، واپار ۽ سيڙپڪاري کي فروغ ڏيڻ
هن چيو ته پاڪستان هڪ ڏهاڪي اندر ترقي ڪري سگهي ٿو جيڪڏهن اها پنهنجي جمهوريت کي مضبوط ڪري، هڪ اهڙي حڪومت قائم ڪري جيڪا عوام جي اميدن جي حقيقي نمائنده هجي ۽ ان جي قيادت صحيح فيصلا ڪري، ڪرپشن جي روڪٿام ڪري، انصاف جي بالادستي ۽ انساني حقن کي هٿي وٺرائي
هن چيو ته ڪاروباري ۽ صنعتي شعبو ملڪي معيشت جي ريڙهه جي هڏي آهي. هن چيو ته ملڪ تڏهن ترقي ڪندو آهي جڏهن صنعت ترقي ڪري ٿي، تنهن ڪري حڪومت کي گهرجي ته ٽيڪسيشن جي نظام کي منطقي بڻائي ڪاروبار ۽ صنعت کي فروغ ڏيڻ لاءِ هر ممڪن قدم کڻي، نيون انڊسٽريل اسٽيٽس ۽ اڪنامڪ زونز قائم ڪري ۽ برآمدات جي فروغ ۽ صنعتڪاري تي ڌيان ڏئي
