نور الحق آرگنائيزيشن ڪراچي ۾ پريس ڪانفرنس ڪندي حافظ نعيم الرحمان چيو ته ڪراچي مون سون جي برساتن سبب تباهي جي ڪناري تي پهچي ويو آهي. شهر جي سمورن روڊن جي حالت خراب آهي، جڏهن ته خستگي سبب شهري حادثن کي منهن ڏئي رهيا آهن. برساتن کانپوءِ شهر تباهه ٿي ويو آهي.
شهر جي حالت زار بابت ڳالهائيندي هن چيو ته شهر جا 60
کان وڌيڪ نالا گندگي سان ڀريل آهن. سنڌ حڪومت جي 14 سالن جي ترقياتي فنڊن جو فرانزڪ
آڊٽ ٿيڻ گهرجي، معلوم ٿيندو ته سنڌ حڪومت ڪيتري ڪرپشن ڪئي آهي.
بلدياتي چونڊن بابت ڳالهائيندي امير جماعت اسلامي ڪراچي چيو ته ايم ڪيو ايم، پيپلز پارٽي ۽ پي ٽي آءِ مڪاني چونڊن کان فرار جو رستو اختيار ڪرڻ چاهين ٿيون. اسان جو مطالبو آهي ته اليڪشن ڪميشن مڪاني چونڊون مقرر وقت تي ڪرائي ۽ ڇپيل بيلٽ پيپر رد ڪري نوان بيلٽ پيپر شايع ڪيا وڃن.
حافظ نعيم الرحمان چيو ته ڪراچي ۾ غير آئيني ۽ قانوني طريقي سان غير شهري ايڊمنسٽريٽر مقرر ڪيا پيا وڃن. سنڌ حڪومت پاران ڪاليجن ۾ داخلا لاءِ لاڳو ڪيل ڊوميسائيل شرط قابل قبول نه آهن. ڊي سي آفيسن ۾ ڊوميسائل جي نالي تي ڪرپشن جي بازار گرم آهي. جيڪڏهن اهو سلسلو بند نه ڪيو ويو ته روڊن تي احتجاج ڪنداسين.
امير جماعت اسلامي ڪراچي مطالبو ڪيو ته ايڊمنسٽريٽر ڪراچي مرتضيٰ وهاب کي فوري طور برطرف ڪيو وڃي. هتي هاڻي هر ڪم کي نشانو بڻايو پيو وڃي جڏهن ته ڪو ٻيو ڪم ڪري رهيو آهي منتظم جي پٺيان
